Song

Ih bi wäg

Momäntä
Cover Momäntä 3000

Lyrics

[Songtext vo Ih bi wäg]

[Part 1]

Ey Babe, schribe dir dr letscht Brief
Ja die Zyt mit dir perfekt gsi, heftig
Drüehaub Jahr womer zämmä hei vrbracht
Hei üs gliebt ih ha immer vo dir tröimt jedi Nacht, aber was
Chaschmer bitte sägä wie ds da passiert isch
Immer aues für dih gmacht uh plötzlech usradiert gsi
Hät lieber Chuguschriber anstatt Bleistift gno
Aber hani nid - doch ih weiss nih wieso
Villech bini ds jung und dumm gsi
Vo mim Troum erwacht uh mini Gfüeuh für dih si uf einisch furt gsi
Schlussstrich, ds isch dr Louf vom Läbä
O wed dr Plan kennsch cha sich aues ändrä
Blicke lachend zrügg uh dänke ah dih Tage mit dir
Blicke ih mis Innerä - und ha hunderti vo Frage ah mih
Aber d'Antwortä gitmer weder Härz no Vrstand
Gfüehslos, ih ha, ih ha schlächtä Empfang



[Chorus]

Mir hei gliebt, mir hei glacht, mir hei gläbt
Mir hei kämpft aber het leider nid glängt, Babe
Danke für die Zyt, aber ize bini wäg
Ih bi wäg, Ih bi wäg, Ih bi wäg

Mir hei gliebt, mir hei glacht, mir hei gläbt
Mir hei kämpft aber het leider nid glängt, Babe
Danke für die Zyt, aber ize bisch du wäg
Du bisch wäg, aber isch scho okay

[Part 2]

Es het gstartet mitemne Song uh so hörts o uf
Machmi ufe wäg uh lege ez dr Hörer uf
So viu erläbt uh zämmä gmacht
Üsi Troumwäut zerplatzt, du hesch mis läbä zumnä besserä veränderet gha
Mit dir erwachsä worde aber immer jung blibä
Nach und nach vo grossem Glück zu Unzfriedä
Babe, ih has gnosse mit dir aber mir sie hie am Schluss
Fähler woni ni cha vrgässä drum bini furt
Ih ha dänkt, dass das sicher nid bricht
Dasmer zämmähebä, aber isch so wies isch
Usem nüt, ja aues isch so plötzlech
Aber üsi Liebi isch erlöscht uh zerbröcklet
Duetmer leid, ih hoffe du vrsteisch aber füehle mih so frei
Schatz lug ih weiss, du fingsch ä besseri nummer Eis
Oh wenns weh tuet
Oh wenns effech huere weh tuet, machs guet, machs guet

[Chorus]

Mir hei gliebt, mir hei glacht, mir hei gläbt
Mir hei kämpft aber het leider nid glängt, Babe
Danke für die Zyt, aber ize bini wäg
Ih bi wäg, Ih bi wäg, Ih bi wäg

Mir hei gliebt, mir hei glacht, mir hei gläbt
Mir hei kämpft aber het leider nid glängt, Babe
Danke für die Zyt, aber ize bisch du wäg
Du bisch wäg, aber isch scho okay

[Outro]

Ja es isch scho okay, ah
Ja es isch scho okay
Oh wenns effech huere weh tuet
Oh wenns effech huere weh tuet
Ja es isch scho okay
Ja es isch scho okay
Oh wenns effech huere weh tuet
Ja es isch scho okay
Isch scho okay

Uf Genius ahluegä

Videos